|
لا يعرف معنى كلمة أم ولا يعرف قدر الأم إلا من فقدها..
وأنا شخصياً أعتقد أنني قادرة على تحمل أي شيء و كل شيء إلا شيئا واحدا, هو أن أعيش بدون أمي يوماً واحداً.. ولهذا أدعو ربي ليل نهار أن يجعل يومي قبل يومها.. وأن لا ترى عيناي يوم فراقها.
وقديماً قالوا الدنيا أخذ وعطاء في كل العلاقات الإنسانية، مع الزوج والأهل والأبناء والأصدقاء
وتظل الأم وحدها تعطي دون أن تأخذ ولا يعنيها الأخذ بقدر ما يعنيها العطاء..
من يخاف عليك مثل أمك؟
من يرعاك مثل أمك؟
من يهتم بك مثل أمك؟
من يضحي من أجلك غير أمك؟
من يدلعك مثل أمك؟
ومن يفهمك مثل أمك؟
ومن يعذرك غير أمك؟
إنها الأم..
السكن و الرحمة
الطمأنينة والأمان
والعطف والحنان
العطاء والإيثار
إذا فقدتها ستذوق طعم الحرمان
و ستعرف معنى القسوة
وستغرق في بحر الأحزان
ويا لها من كلمات تدمي القلوب وتقرح الأجفان
تلك الأبيات الشعرية للشاعر الحميدي الشمري التي تصف حال ابن فقد أمه فقال:
خايف عليها من "الثرى" غطَّاها
وإلا "الحصى حافية، أخاف أذَّاها
أكرم عليها ، بـ [ ـآلكفن ] يامطوع
بالبيت ظل [ فراشها ] و [ غِطاها ]
أكرم عليها بـ [ ـالكفن ] هذي امي
وإشهد عليها في ماعطت [ يمناها ]
هذي [ الضحى ] و [ الليل ] يتحرونه
هذي [ السمآ ] و [ نجومها ] تنعاها
هذي { السوالف } مثلنا تبكيها
و " الارض " تنشد عن اثر لخطاها
هذي [ الكبيرة ] كبر هذي الدنيا
هذي [ العظيمة ] جل من سواها
ابكي عليها مو [ نهار ] و [ ليله ]
وإلا سَنَه |تمشي| وأعد قضاها
ابكي عليها كثر ما شالتني
وكثر " الحنين" اللي اختلط بغناها
وكثر الاسامي وكثر من سموها
و كثر النجوم و كثر من يرعاها
ابكي عليها من [ القهر ] يادنيا
من لي انا من لي عقب فرقاها ..؟|
من فتَّحَتْ " عيني " ولاخلتني
و شوفو ولدها بالقبر خلَّاها..!|
هَلّ الترآب بوجهآ ما.. قصَّر
شِفتوآ ولدها كيف هو جازاها
لو إنها مكاني ما سوَّتها
لاكن " اعز عيالها " سوَّاها"
يالدود شفها ذابله جَنِّبها
انا ولدها وحاضر وافداها
قطِّعنِي هاك اللي تبي من جسمي
بس الكريمه لاتجي بحذاها
و أوصيك امانه قل لها تعذرني
وتكفى تروح تحب لي ماطاها
يالله عساها بالنعيم الخالد
وعساه في جنة عدن سكناها
يا فضو هاذا الكون ياهو خالي
ياضيق هذي الدنيا يامقساها
يا مرّ طعم فراقها يا مرّه
ماني مصدق ارجع وما ألقاها
الكل يبكيها مهو ناسيها
يالله صبِّرني شلون انساها
ياليتها ماراحت وخلَّتني
او وسَّعَت لي بالقبر ويَّاها
اللهم اربط على قلب كل ولد فقد أمه واربط على قلب كل أم فقدت ولدها
في الإثنين 23 مارس - آذار 2015 02:03:19 م