شعبي محلبط عيشته عيشة نغط

                 والجيش عايش في مذلَّة وانحطاط

والدخل مابش والعمل عكس الخطط

                       والله يعلم كم في البنك احتياط

صار القطاع الخاص كله مختلط

                      وشهر فبراير أتى بعده شباط

 رئيس مترأس على الحارة فقط

                      وحول بيته دايري عدة نقاط

والكل ساكت والسكوت أكبر غلط

                 ذي شجع الغاوي على حمل السياط

والكادح المسكين ودَّف للوسط

                    ووضعه اصبح عنجهية واعتباط

البرد والجوع والمخافة والنقط

         ودايماً" عايش حياته عَلْ بلاط

إن اتَّجه للسوق مابشِّي زلط

                      وان اتَّجه للبيت مابشِّي بطاط

خرج لإسقاط الحكومة والسقط

                       لكنهم سحبوا على الشعب البساط

حتى الأسود الكاسرة صارت قطط

                      مافي أمل مافي عمل مافي نشاط

عاد الأمل والظن في ربي فقط

                           يحلها من قبل فك الارتباط

أما الغلط ماهو مصلح للغلط

                      حتى يلج راس الجمل سَمَّ الخياط