هـذي بنـات اليـوم برقـع وجـوال
                                      وإلا عبايـة كتـف هــم يلبسـوهـا

والرأس فوق الرأس طرحه مع الشال
                                      حتـى الخصـال الطيبـة افقدوهـا
الأم نامـت والابو صـار تمثـال
                                    والبنت راحـت ويـن مـا يسألوهـا

بالليل تسهـر بيـن هاتـف وجـوال
                                      و إلا علـى الشاتينج هم سهـروهـا

اللبس تلبس كل مـا يطـرب البـال
                                     وفلوس لو تنقـص عليهـا عطوهـا

من شافها باللبس يـا ساتـر الحـال
                                     يسبهـا ويـسـب مــن خلفـوهـا

كومة لحم وعيـون والرمـش قتـال
                                  ولما مشـت كـل الشبـاب اتبعوهـا

هم ما دروا لـو البراقـع بتنشـال
                         ونشوف وش تحت البراقـع خفوهـا

وين البنات اللي بهم تضـرب أمثال
                                   ليت العلـوم الطيبـة علموها

البنت زين البنـت لا زانـت الحـال
                               ما هـو بلبـس ٍ ولا علـوم خذوهـا

وين المراجل ما بقى غيـره أرجال
                                 ليت الشـوارب واللحـى حلقوهـا

اللي على عاره رضي الـذل ينقـال
                                  ليـت الكرامـة ليتهـم يرفعـوهـا

ما عاد ينفـع قـول فيهـا ولا قـال
                                   لا الأم والله ولا الأبــو ينفعـوهـا

أصبح ضياع البنت بسبـاب جـوال
                                 البنت ضاعـت والأهـل ضيعوهـا

القصيدة لشاعر خليجي جزاه الله خير الجزاء