شفتوا كيف الهدرة الخايسة الرمة ايش تجيب؟!... هكذا نحنا لقوف نحنا مكسورة، كنا نقول٬ الله يزيلكم٬ ودحين جالس ربي يزيل نحنا كل يوم قليل٬ وكنا نتشاوق على العملة حق نحنا ونقول: خليه تنزل للأرض لمااا نزلت فعلاً للأرض٬ وكنا نقول: خلي فلان يدفع بمدفع٬ والآن المدافع تشتغل الناس في كل مكان في بلاد نحنا. متى بنحترم أنفسنا ونحسن ألفاظنا ونبطل نزايد كدا على الفاضي والمليان.
وبعدين شوفوا كيف العواجة حق نحنا٬ وكيف ينطبق علينا داك المثل حق جحا لما قالوا له: فين أدنك ياجحا؟.... يعني نسمع ونشوف برامج من حق التنمية البشرية ونطبق مبادئ جذب القدر ونرسم خططا ونتوقع نتائج ايجابية ونحوس بين الكتب من سطر لأسطر ومن صفحة لا صفحه عشان نكون زي فلان وزعطان من رواد التنمية البشرية... المهم نعصد الدنيا عصيد٬ وبعد كدا ولا نحقق أي هدف. طيب وليش ما نختصرش الهدرة دي كوووووله ونأخد بحديث النبي لما قال:
" تفاءلوا بالخير تجدوه " ماله دا الحديث٬ حديث صحيح ومبدأ من مبادئ الحياة الراقية٬ يعني لازم يجيلنا خبير أجنبي يرطن له كلمتين انجليزي وكلمتين فرنسي عشان يعلم نحنا كيف نجذب القدر ونتفاءل بالخير ونتوقع الأفضل ونحسن الثقة بالله؟!!!
هيا خلاص دحين بطلوا الهدرة الخايسة اللي ماتجيبش غير المصائب. بطلوا تدعوا وتنهجموا وتتوقعوا الأسوأ. بطلوا تكونوا مثل الدبور الذي زن على خراب عشه... قد الدنيا ملانته دبابير وخنافس لا عاد تزيدوش الطين بلة مليه بربكم.... اأش تحسبوا نحنا في أيام زينه ونحول؟!!... خلاص زمان اول راح٬ دحين قدكم داريين أن الجدران معه اودان! تفاءلوا لا يجركم دونا الناس المفسدين اللي يهندسوا الخراب الوطن للهاوية٬ عاد فينحنا وفي بلاد نحنا كثير٬ وقلت لكم قبل دي المرة بس انتم ماصدقتونيش: والله لو بلاد نحنا فقيرة وتخور الثروات ماكان بايطمع فيبه أحد٬ بس بلادنا نحنا فيبه خير كثير ونحنا كمان شعب فيبه خير كثير٬ بس انتوا نظفوا قلوبكم وعقولكم وشوفوا كيف با ينقلب حال نحنا لأحسن حال....
